ОХУ-ын Ерөнхийлөгчийн ээлжит сонгууль ирэх сарын 15-17-ны өдрүүдэд болно. Note.mn та бүхэнд энэ сонгуульд нэр дэвшин өрсөлдөж буй улс төрчдийг танилцуулж байна.
Владимир Путин
Ерөнхийлөгчийн сонгуульд тав дахиа нэр дэвшин өрсөлдөж байна. Өмнө нь 2000, 2004, 2012, 2018 онд нэр дэвшин ялалт байгуулж байсан. Хамгийн сүүлд 2018 онд “Нэгдмэл Орос” намаасаа бус, бие дааж өрсөлдөн олон нийтийг гайхшруулж байсан тэрбээр энэ удаад ч бие дааж өрсөлдөнө.
ОХУ-ын Үндсэн хуульд нэг улстөрч Ерөнхийлөгчийн сонгуульд дөрвөн удаа нэр дэвших эрщхтэй байсныг В.Путинд зориулж зургаа болгон нэмсэн. Ингэснээр тэрбээр 2024, 2026 онд нэр дэвших эрхтэй болсон юм.
Леонид Слуцкий
Монголчуудын сайн танил Владимир Жириновскийн залгамжлагч, Либерал ардчилсан намын дарга. 2000 оноос хойш Төрийн Думд сууж, одоо Думынхаа Олон улсын харилцааны хороог даргалдаг тэрбээр энэ жил анх удаа Ерөнхийлөгчийн сонгуульд нэр дэвшиж байна.
Николай Харитонов
Оросын коммунист намаас нэг хэсэг Геннадий Зюганов байнга №1-ийн төлөө өрсөлддөг байсан. Энэ удаад Николай Харитоновыг илгээжээ.
Владислав Даванков
“Шинэ хүмүүс” намын төлөөлж Ерөнхийлөгчийн сонгуульд өрсөлдөж буй Владислав Даванков өрсөлдөнө. Тэрбээр 2021 онд Думын гишүүн болсон бол одоо Дэд дарга болсон. Нэгэн үед В.Путины санаачилсан ТББ-ыг удирддаг байжээ.
ОХУ-ын Ерөнхийлөгчийн сонгууль иймэрхүү сонголттойгоор эхэлж байна. Баруун талыг баримтлагч Борис Надеждиныг олон нийтийн тодорхой хэсэг дэмжиж байсан ч Сонгуулийн хороо бүртгэхээс татгалзсан юм.
