СЕХ УИХ-ын сонгуульд нэр дэвшигч нарт үнэмлэх олгож эхэллээ. Ингэснээр УИХ-ын 2024 оны сонгуулийн сурталчилгаа албан ёсоор эхэлж байгаа юм. Энэ удаагийн сонгуульд гадаадын улсад аж төрж буй 4746 иргэн саналаа өгөхөөр бүртгүүлжээ.
Түүнчлэн УИХ-ын 2024 оны ээлжит сонгуулиар улсын хэмжээнд 2180 хэсэг ажиллахаас 509 нь нийслэлд ажиллах юм. Үүнээс нийслэл болон 10 аймгийн 150 хэсгийн хороонд 300 хараат бус сайн дурын ажиглагч ажиллах аж. Мөн Солонгос, Япон, АНУ-д санал хураах үеэр хөндлөнгийн хяналт тавих ажлыг сайн дурынхны оролцоотой зохион байгуулахаар төлөвлөжээ.
Мөн энэ удаагийн сонгуульд 1336 хүн нэр дэвших юм. Ташрамд дуулгахад УИХ-ын 2024 оны ээлжит сонгуульд санал өгөх насны 2.238.360 иргэн байгаа ба 18-25 насны 350 мянга, 26-35 насны 536 мянга, 36-45 насны 521 мянга, 46-55 насны 390 мянга, 56 ба түүнээс дээш насны 434 мянган иргэн байна. Тэдний тал хувийг 26-45 насныхан эзэлж байгаа аж. Сонгогчид ирэх сарын 28-нд санал авах байранд иргэний үнэмлэхтэй очиж, саналаа өгнө.
