УИХ-ын сонгуульд нэр дэвшигч “Оргил” сүлжээ дэлгүүрээрээ олны танил Ж.Ганбаатар намын гишүүдээ алагчилж үзэж байна гэсэн явган яриа Баянгол дүүрэгт тархжээ. Учир нь 2024 оны УИХ-ын сонгуульд МАН-аас нэр дэвшигч Ж.Ганбаатар намын гишүүн гэсэн тодотголтой хүмүүстээ тус бүр 300.000 мянган төгрөг тараасан сурагтай. Ингэхдээ намын гишүүдээ алагчлан үзэж заримынх нь алгыг дээш нь харуулаагүй хоосон үлдээжээ.
Ийнхүү хөрөнгө бэлтэйгээрээ илүүрхэж буй Ж.Ганбаатарын талаарх энэхүү жиг жуг яриа үнэн бол аль эрт МАН мөнгө тарааж эхэлсний нэгээхэн тод жишээ билээ. Түүгээр ч зогсохгүй Баянгол дүүргийн сонгуулийн насны иргэдэд доод тал нь 100 мянган төгрөг тарааж өөрийн нэр дээрээ санал өгүүлэх компианит ажлыг эхлүүлсэн гэх яриа ч байна. Ийнхүү Ж.Ганбаатарын бэл бэнчин энэ зуны цэцэгнээс ч илүү мөнгөн бороо шаагиулж, Баянгол дүүргийн МАН-ынхан аавын хүүг алаг үзсэнд гомдож агсан согтуу тавьсан сураг дуулдлаа. Олны яриа ортой гэдэг дээ…
Чихэрний бизнесээс сүлжээ дэлгүүр, орон сууц, офиссын барилга гээд томрохын хэрээр халаас нь тэрбум, тэрбумаар түнтийж буй мань эрийг Сонгуулийн тухай хуулийг зөрчсөн эсэхийг холбогдох байгууллага нь нягтлах биз ээ..
